An Óige agus an Athbheochan
View/ Open
Date
2023Author
Ní Cheallaigh, Róisín
Metadata
Show full item recordUsage
This item's downloads: 15 (view details)
Recommended Citation
Ní Cheallaigh, Róisín. (2023). An Óige agus an Athbheochan. Léann Teanga: An Reiviú. https://doi.org/10.13025/49gn-gq85
Published Version
Abstract
Is leabhar faisnéiseach oideachasúil é An Óige agus an Athbheochan a scríobh an Dr Ríona Nic Congáil. Is monagraf atá sa leabhar seo ‘a dhíríonn ar an gcaidreamh idir stair na hóige agus an Ghaeilge’ (xxii) agus le linn ‘thréimhse na hAthbheochana in Éirinn, ó na 1880idí go 1922’ (xxii). Mínítear an comhthéacs stairiúil agus an tábhacht shiombalach a bhaineann le clúdach an leabhair dúinn, ag cur in iúl go bhfuil ‘slánú na hÉireann ag brath ar an aos óg’ (xviii) agus mar sin is meafar maith é do phríomhthéama an leabhair. Bhain an t-údar PhD sa Nua-Ghaeilge amach sa Choláiste Ollscoile, Baile Átha Cliath in 2009, áit a bhfuil sí ina hOllamh Comhlach faoi láthair i Scoil na Gaeilge, an Léinn Cheiltigh agus an Bhéaloidis. Anuas air sin, is príomhthaighdeoir í ar an togra de chuid na Comhairle Eorpaí um Thaighde dar teideal Youth Engagement in European Language Preservation, 1900–2020 a bhfuil mar aidhm aige, an nasc idir an óige agus caomhnú na teanga a thabhairt chun solais. Is údar an-chumasach í – tháinig idir leabhair agus aistí éagsúla óna peann i gcaitheamh na mblianta agus is sárshaothar é an leabhar seo gan amhras.